ჩვენი პირველსემესტრელი სტუდენტების საორიენტაციო კვირეულის ფარგლებში, პროფესორი რიმა ბერიაშვილი, შეხვდა პირველკურსელ სტუდენტებს და ესაუბრა აკადემიურ კეთილსინდისიერებაზე, აკადემიური ქცევის წესებზე და პლაგიატის არსის სწორად გააზრების მნიშვნელობაზე.
შეხვედრის განმავლობაში პროფესორმა ბერიაშვილმა ასევე გაამახვილა ყურადღება სტუდენტთა კეთილდღეობასთან დაკავშირებულ მნიშვნელოვან ასპექტებზე, მათ შორის ისეთ საკითხებზე, როგორიცაა დაღლილობა, დეპრესია, გადაწვა, შფოთვა და სტრესი - ის ფაქტორები, რომლებიც მნიშვნელოვნად შეიძლება აისახოს მედიცინის სტუდენტების გონებრივი და ფიზიკური ცხოვრების ხარისხზე.
გარდა ამისა, მან ხაზი გაუსვა ღირსების კოდექსის მნიშვნელობას, აღნიშნა მაღალი ეთიკური სტანდარტები, რომლებიც წარმოადგენს სამედიცინო პროფესიის საფუძველს და აუცილებელია პასუხისმგებელი და ემპათიური მომავალი ექიმების ჩამოყალიბებისთვის.