კენ ვოლკერის საერთაშორისო უნივერსიტეტის ასოცირებული პროფესორი, დოქტორი ნინო შარიქაძე, 2026 წლის 31 აგვისტოდან 18 სექტემბრამდე მოკლევადიანი სამეცნიერო მისიით იმყოფებოდა ასტონის უნივერსიტეტის სამედიცინო სკოლაში, ბირმინგჰემში, დიდი ბრიტანეთში.
მისია განხორციელდა მეცნიერებისა და ტექნოლოგიების სფეროში ევროპული თანამშრომლობის პროგრამის (COST) ფარგლებში, ევროპული რეზოლუციის ბიოლოგიის ქსელის – EU-RESOLVE-ის (CA24138) მხარდაჭერით. კვლევითი პროექტი ეხებოდა რეზოლუციის ლიპიდომიკასა და მიტოქონდრიულ ბიოენერგეტიკას, როგორც იშემიური ინსულტით გამოწვეული ანთების ადრეულ ბიომარკერებს.
მასპინძელი მკვლევრის, დოქტორ ირუნდიკა დიასის ხელმძღვანელობით, ნინო შარიქაძემ გაიარა პრაქტიკული ტრენინგი ლიპიდების ექსტრაქციის მეთოდებში, ნიმუშების მასსპექტრომეტრიულ ანალიზსა და მიღებული მონაცემების ინტერპრეტაციაში, ასევე Seahorse ტექნოლოგიის გამოყენებით მიტოქონდრიული ჟანგბადის მოხმარების შეფასებაში.
ვიზიტის ფარგლებში ნინო შარიქაძე ასევე დაესწრო ბირმინგჰემის უნივერსიტეტში ლაბორატორიული სწავლების ტექნოლოგიებისადმი მიძღვნილ შეხვედრას და გაეცნო ბრიტანულ უნივერსიტეტებში ლაბორატორიული სწავლების პრაქტიკას.
მისიის ყველა ძირითადი დაგეგმილი მიზანი შესრულდა. ნიმუშების მასსპექტრომეტრიული ანალიზი წარმატებით ჩატარდა, ხოლო მიღებული ლიპიდომიკური მონაცემები ამჟამად მუშავდება. ასტონის უნივერსიტეტთან დამყარებული თანამშრომლობა და მიღებული გამოცდილება ხელს უწყობს კენ ვოლკერის საერთაშორისო უნივერსიტეტის კვლევითი შესაძლებლობების გაძლიერებას.