საორიენტაციო კვირეულის ფარგლებში კვსუ-ის მედიცინის ფაკულტეტის პირველსემესტრელმა სტუდენტებმა უნიკალური შესაძლებლობა მიიღეს, პროფესორ ლაშა ქურდაშვილის ლექციის საშუალებით საქართველოს ისტორიას გაცნობოდნენ.
პროფესორმა ლაშა ქურდაშვილმა სპეციალურად სტუდენტებთან პირველი ლექციისთვის მოირგო მეფის კოსტიუმი, რამაც შეხვედრას განსაკუთრებული ხიბლი, ემოციურობა და შთამბეჭდავი ხასიათი შესძინა (აბჯრის ავტორია კოსტუმების რეკონსტრუქტორი აკაკი მაქაცარია).
„ქვეყნის ფესვებიდან თანამედროვე იდენტობამდე - საქართველოს ისტორიის გზაზე“ – ამ სახელწოდების ლექცია განსაკუთრებით საინტერესო აღმოჩნდა უცხოელი სტუდენტებისთვის, რომლებიც ქვეყანაში ახლახან ჩამოვიდნენ და მომდევნო წლებს აქ გაატარებენ.
პროფესორი ლაშა ქურდაშვილი: „დიდი სიამოვნება იყო, გამეცნო სტუდენტებისთვის საქართველოს მდიდარი და მრავალფეროვანი ისტორია. ქვეყნის ფესვებისა და კულტურული იდენტობის გაცნობა მნიშვნელოვანი ნაბიჯია იმისთვის, რომ მათ აქ ყოფნისას შექმნან ღირებული ურთიერთობები და ურთიერთპატივისცემაზე დაფუძნებული გარემო.“
სტუდენტები აქტიურად ჩაერთვნენ დისკუსიაში და დიდი ინტერესით ისმენდნენ პროფესორის ინტერაქტიულ და შთამბეჭდავ მონათხრობს საქართველოს წარსულზე.