კენ ვოლკერის საერთაშორისო უნივერსიტეტის საორიენტაციო კვირეულის ფარგლებში სხვადასხვა სტუდენტური კლუბის წარმომადგენელმა სტუდენტებმა პირველკურსელებს უმასპინძლეს და მათ უნივერსიტეტის მრავალფეროვანი და აქტიური ექსტრაკურიკულური ცხოვრების შესახებ მიაწოდეს ინფორმაცია.
შეხვედრის განმავლობაში კლუბების ლიდერებმა წარადგინეს პრეზენტაციები კლუბების მიზნებსა და საქმიანობაზე, გააზიარეს წინა წლების გამოცდილება და გააცნეს ახალი სემესტრისთვის დაგეგმილი ინიციატივები. ღონისძიებამ სტუდენტებს შთააგონა, ჩაერთონ შემოქმედებით, ლიდერულ და გუნდურ პროექტებში.
შეხვედრაში მონაწილეობდნენ შემდეგი კლუბები: ფილმის კლუბი, სპორტული კლუბი, სამედიცინო საზოგადოება, ტუტორინგის კლუბი, დებატების კლუბი, გაზეთ-კლუბი და ეკო კლუბი.
თითოეულმა კლუბმა წარმოადგინა საკუთარი უნიკალური მიმართულება, რაც სტუდენტებს უამრავ შესაძლებლობას აძლევს, გახდნენ უნივერსიტეტის ცხოვრების აქტიური ნაწილი.
კლუბების პრეზენტაციებმა კიდევ ერთხელ წარმოაჩინა სტუდენტური ჩართულობის მნიშვნელობა, როგორც ერთ-ერთი საუკეთესო საშუალება, რომლის მეშვეობითაც ახალგაზრდები ავითარებენ უნარებს, პოულობენ საერთო ინტერესებს და ქმნიან ძლიერ საუნივერსიტეტო საზოგადოებას.