კენ ვოლკერის საერთაშორისო უნივერსიტეტმა უმასპინძლა კილის უნივერსიტეტის პრეკლინიკური სწავლების ხელმძღვანელს პროფესორ პოლ ჰოროქსს და მკვლევარს, ექიმ სარა აინსლის.
ვიზიტის ფარგლებში ბრიტანელმა პროფესორებმა შეხვედრა გამართეს კვსუ-ს მედიცინის ფაკულტეტის სტუდენტებთან და წაიკითხეს ლექცია თემაზე: „სოციალური ანგარიშვალდებულება - მედიცინის სოციალური მისია“.
საჯარო ლექციის დროს მათ ყურადღება გაამახვილეს პასუხისმგებლობის, თანაგრძნობისა და საზოგადოებისადმი ჩართულობის მნიშვნელობაზე სამედიცინო საქმიანობაში.
აღსანიშნავია, რომ კილის უნივერსიტეტის წარმომადგენლები - პოლ ჰოროქსი და სარა აინსლი 2023 წლიდან კენ ვოლკერის საერთაშორისო უნივერსიტეტის საპატიო პროფესორები არიან.