KWIU Logo
კონტაქტი სტუდენტთა მიღება Digital LMS
  • English
  • ქართული

  • უნივერსიტეტის შესახებ
  • სწავლა
  • კვლევა
  • სტუდენტებისათვის
  • სიახლეები და განცხადებები
  • Digital LMS
  • სტუდენტთა მიღება
  • კონტაქტი

ემპათიის კურსი: ემპათიური უნარებიდან კლინიკურ კომპეტენციამდე

ემპათიის კურსი: ემპათიური უნარებიდან კლინიკურ კომპეტენციამდე
Email Facebook WhatsApp

17 Dec 2025

ემპათიის კურსის პირველ ეტაპზე კენ ვოლკერის საერთაშორისო უნივერსიტეტის სტუდენტებმა იმუშავეს ემოციური ცნობიერების განვითარებაზე, ავთენტურ თვითგამოხატვასა და პაციენტზე ორიენტირებული კომუნიკაციის საფუძვლებზე. თეატრისა და კინოს მსახიობის, ვლადიმერ ნოვოსარდოვის ხელმძღვანელობით, სწავლების საწყისი ეტაპი ფოკუსირებული იყო ემოციის აღქმაზე, არავერბალურ კომუნიკაციასა და პაციენტთან ურთიერთობის სარწმუნოობაზე.


ამ ჩამოყალიბებული საფუძვლის შემდეგ, კურსის მეორე ეტაპი მიზნად ისახავს ემოციური ინტელექტის ინტეგრირებას კლინიკურ აზროვნებასთან და ეთიკური გადაწყვეტილების მიღების პროცესთან.


სწორედ კურსის მეორე ეტაპზე ქეისებზე მუშაობა მიმდინარეობს მსახიობისა და ექიმის ერთობლივი მეთვალყურეობის ქვეშ. მსახიობი აფასებს სტუდენტის ემოციურ ჩართულობას, არავერბალურ კომუნიკაციასა და პაციენტთან ურთიერთობის სარწმუნოობას, ხოლო ექიმი ყურადღებას ამახვილებს კლინიკურ ლოგიკაზე, ეთიკურ განსჯაზე, პროფესიულ კომუნიკაციასა და სამედიცინო სტანდარტებთან შესაბამის გადაწყვეტილებებზე.


კურსის კლინიკურ ფაზას უძღვება კენ ვოლკერის საერთაშორისო უნივერსიტეტის მოწვეული ლექტორი, ექიმი ქეთევან შენგელაია, რომელსაც აქვს მრავალფეროვანი საერთაშორისო აკადემიური და კლინიკური გამოცდილება. მან მნიშვნელოვანი აკადემიური და კლინიკური ცოდნა იტალიაში დააგროვა, ხოლო პრაქტიკული გამოცდილება მიიღო თურქეთში, პოლონეთსა და სხვა ქვეყნებში.


ამჟამად ექიმი ქეთევან შენგელაია კვალიფიკაციას იმაღლებს რეპროდუქციულ მედიცინაში. მისი კლინიკური და აკადემიური ინტერესები მოიცავს მეანობა-გინეკოლოგიას, რეპროდუქციულ ჯანმრთელობასა და მტკიცებულებებზე დაფუძნებულ სამედიცინო პრაქტიკას. კლინიკურ საქმიანობასთან ერთად, იგი აქტიურად არის ჩართული სამედიცინო განათლებაში, აკადემიურ მენტორობასა და კვლევით საქმიანობაში და მუდმივად ავითარებს პროფესიულ კომპეტენციებს საერთაშორისო ტრენინგებისა და მულტიდისციპლინური თანამშრომლობის გზით.


კურსის მეორე ეტაპის მნიშვნელობაზე საუბრისას, ექიმი ქეთევან შენგელაია აღნიშნავს: „მედიცინაში ცოდნა გვაძლევს დიაგნოზის დასმის შესაძლებლობას, თუმცა ემპათია გვაძლევს განკურნების ძალას. როგორც პრაქტიკოსი ექიმისა და ლექტორის თვალთახედვით, ემპათია არ არის აბსტრაქტული ღირებულება - ის გაზომვადი პროფესიული კომპეტენციაა. ემპათია განსაზღვრავს პაციენტის ნდობას, გავლენას ახდენს მკურნალობისადმი ერთგულებაზე და აყალიბებს ექიმსა და პაციენტს შორის ურთიერთობის ხარისხს. პაციენტთან გულწრფელი და ყურადღებიანი კომუნიკაცია ქმნის საფუძველს უფრო ხარისხიანი და ჰუმანური სამედიცინო ზრუნვისთვის.“


ემპათიის კურსის მთავარი მიზანია ემპათიური უნარების ეტაპობრივი შეძენა და ჩამოყალიბება, რომლებიც კურსის მეორე ეტაპზე ერთიანდება საექიმო და კლინიკურ უნარებთან. სწორედ ამ ფაზაში ემპათია გარდაიქმნება პროფესიულ კლინიკურ უნარად, რომელიც მომავალ ექიმებს ამზადებს არა მხოლოდ დაავადების მკურნალობისთვის, არამედ ადამიანზე სრულფასოვანი, ეთიკური და ჰუმანური ზრუნვისთვის.
 

ფოტომასალა
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image

სხვა სიახლეები

ECCES 2026 – საერთაშორისო დიალოგი სამედიცინო განათლების მომავალზე

ECCES 2026 – საერთაშორისო დიალოგი სამედიცინო განათლების მომავალზე

10 Nov 2026

როგორ მოვამზადოთ ექიმი, რომელიც ფლობს თანამედროვე ცოდნასა და ტექნოლოგიებს, მზად არის ცვლილებებისთვის და ინარჩუნებს ჰუმანურობას? ამ კითხვას სხვადასხვა...

როგორ დავწეროთ სამეცნიერო სტატია – გორდონ ჩერჩვორდის შეხვედრა სტუდენტებთან

როგორ დავწეროთ სამეცნიერო სტატია – გორდონ ჩერჩვორდის შეხვედრა სტუდენტებთან

30 Oct 2026

როგორ ვაქციოთ კვლევის შედეგები მკაფიო და გამართულ სამეცნიერო სტატიად? ამ თემაზე კენ ვოლკერის საერთაშორისო უნივერსიტეტის სტუდენტებს ემორის უნივერსიტეტი...

საინფორმაციო შეხვედრა Erasmus+-ის შესახებ

საინფორმაციო შეხვედრა Erasmus+-ის შესახებ

27 Oct 2026

კენ ვოლკერის საერთაშორისო უნივერსიტეტის სტუდენტები საერთაშორისო დეპარტამენტის წარმომადგენელს შეხვდნენ და Erasmus+-ის გაცვლითი პროგრამების შესახებ მიიღ...

KWIU-ის ასოცირებული პროფესორის სამეცნიერო მისია ასტონის უნივერსიტეტში, დიდ ბრიტანეთში

KWIU-ის ასოცირებული პროფესორის სამეცნიერო მისია ასტონის უნივერსიტეტში, დიდ ბრიტანეთში

1 Oct 2026

კენ ვოლკერის საერთაშორისო უნივერსიტეტის ასოცირებული პროფესორი, დოქტორი ნინო შარიქაძე, 2026 წლის 31 აგვისტოდან 18 სექტემბრამდე მოკლევადიანი სამეცნიერო...

კენ ვოლკერის საერთაშორისო უნივერსიტეტი

გუდამაყრის ქ. 4, თბილისი, 0141, საქართველო.

+995 599 63 55 33

info@kwiu.edu.ge

ს/ნ: 400270808 (საქართველო)

უნივერსიტეტი

  • უნივერსიტეტის შესახებ
  • მისია
  • სტრუქტურა და მართვა
  • რეგულაციები
  • ინფრასტრუქტურა

სწავლა

  • საგანმანათლებლო პროგრამები
  • აკადემიური კალენდარი
  • კლინიკური ბაზები
  • კვლევა

სტუდენტებისათვის

  • სტუდენტური სერვისები
  • ბიბლიოთეკა
  • სტუდენტური კლუბები
  • გაცვლითი პროგრამები

კონფიდენციალურობის პოლიტიკა
© 2025 კენ ვოლკერის საერთაშორისო უნივერსიტეტი. ყველა უფლება დაცულია.

ჩვენ ვიყენებთ „მზა-ჩანაწერების“ (Cookies) ფაილებს ვებგვერდის სწორად ფუნქციონირებისა და თქვენი გამოცდილების გაუმჯობესებისთვის. გაიგეთ მეტი.