კენ ვოლკერის საერთაშორისო უნივერსიტეტსა და მხიტარ ჰერაცის სახელობის ერევნის სახელმწიფო სამედიცინო უნივერსიტეტს შორის ხელი მოეწერა ურთიერთთანამშრომლობის მემორანდუმს, რაც მნიშვნელოვან ნაბიჯს წარმოადგენს აკადემიური და ინსტიტუციური კავშირების გაძლიერებისკენ.
შეთანხმების მიზანია სამედიცინო განათლების სფეროში თანამშრომლობის განვითარება, აკადემიური გაცვლის ხელშეწყობა და ერთობლივი ინიციატივების განხორციელება, რაც ხელს შეუწყობს გრძელვადიანი პარტნიორობისა და საერთაშორისო ჩართულობის განმტკიცებას.
შეხვედრის დასასრულს კენ ვოლკერის საერთაშორისო უნივერსიტეტის პარტნიორი და აშშ-ის ემორის უნივერსიტეტის სამედიცინო სკოლის საგანმანათლებლო პროგრამების დირექტორი, არჩილ უნდილაშვილი, დაჯილდოვდა ერევნის სახელმწიფო სამედიცინო უნივერსიტეტის საპატიო მოწვეული პროფესორის წოდებით, რაც წარმოადგენს მისი პროფესიული საქმიანობისა და საერთაშორისო აკადემიურ პროცესებში შეტანილი წვლილის მნიშვნელოვან აღიარებას.
აღნიშნული მოვლენა ქმნის ახალ შესაძლებლობებს ერთობლივი პროექტების, პროფესიული განვითარების და გლობალურ აკადემიურ სივრცეში ინტეგრაციის მიმართულებით.