კენ ვოლკერის საერთაშორისო უნივერსიტეტმა უმასპინძლა ერევნის სახელმწიფო სამედიცინო უნივერსიტეტის ოფიციალურ დელეგაციას, რომელსაც ხელმძღვანელობდა რექტორი პროფესორი არმენ მურადიანი. დელეგაციის შემადგენლობაში იყვნენ ასევე ვიცე-რექტორები - პროფესორი ხაჩატურ მარგარიანი და პროფესორი კონსტანტინ იენკოიანი.
შეხვედრას, კვსუ-ის ადმინისტრაციის ხელმძღვანელ პირებთან ერთად, უძღვებოდა პროფესორი არჩილ უნდილაშვილი - კენ ვოლკერის საერთაშორისო უნივერსიტეტის პარტნიორი და ემორის უნივერსიტეტის მედიცინის სკოლის საგანმანათლებლო პროგრამების დირექტორი.
ვიზიტის ფარგლებში სტუმრებმა დაათვალიერეს უნივერსიტეტის ინფრასტრუქტურა, სასწავლო სივრცეები და საუნივერსიტეტო კლინიკები, ასევე გაეცნენ საგანმანათლებლო პროგრამებსა და საერთაშორისო თანამშრომლობის მიმართულებებს.
შეხვედრის ფარგლებში მხარეებმა განიხილეს თანამშრომლობის გაღრმავების პერსპექტივები, მათ შორის აკადემიური გაცვლითი პროგრამები და ერთობლივი საგანმანათლებლო და კვლევითი ინიციატივები.
შეგახსენებთ, რომ 2026 წლის იანვარში კენ ვოლკერის საერთაშორისო უნივერსიტეტსა და ერევნის სახელმწიფო სამედიცინო უნივერსიტეტს შორის გაფორმდა ურთიერთთანამშრომლობის მემორანდუმი, რომელიც მიზნად ისახავს სამედიცინო განათლების სფეროში თანამშრომლობის განვითარებას, აკადემიური გაცვლის ხელშეწყობასა და გრძელვადიანი პარტნიორობის გაძლიერებას.