დედამიწის დღის აღსანიშნავად, კენ ვოლკერის საერთაშორისო უნივერსიტეტის საზოგადოებამ სტუდენტური ინიციატივით ორგანიზებულ სირბილის მარათონში მიიღო მონაწილეობა. ღონისძიება კვსუ-ის სტუდენტური კლუბის - „ეკოკლუბის“ ორგანიზებით გაიმართა და მიზნად ისახავდა გარემოს დაცვის მნიშვნელობის წარმოჩენას, ჯანსაღი ცხოვრების წესის პოპულარიზაციასა და ეკოლოგიური პასუხისმგებლობის გაძლიერებას.
მარათონი ლისის ტბაზე გაიმართა, სადაც მონაწილეობდნენ სტუდენტები, ლექტორები და ადმინისტრაციული პერსონალი, რაც კვსუ-ის საზოგადოების ერთიანობასა და საერთო ღირებულებებისადმი ერთგულებას უსვამს ხაზს.
სიმბოლური ინიციატივით მონაწილეებმა კიდევ ერთხელ გამოხატეს მხარდაჭერა გარემოს დაცვის იდეისადმი და აღნიშნეს, რომ დედამიწაზე ზრუნვა ყოველდღიური ქმედებითა და კოლექტიური პასუხისმგებლობით იწყება.