კენ ვოლკერის საერთაშორისო უნივერსიტეტისა და თსსუ-ის დიპლომირებული მედიკოსის ამერიკული პროგრამის სტუდენტურ გუნდებს შორის ამხანაგური საფეხბურთო მატჩი გაიმართა.
შეხვედრა ენერგიულ, მეგობრულ და პოზიტიურ გარემოში ჩატარდა. ორივე გუნდის სტუდენტებმა თამაშის განმავლობაში გამოავლინეს გუნდურობა, მოტივაცია და ნამდვილი სპორტული სულისკვეთება.
საინტერესო და დაძაბული მატჩი ანგარიშით 4:1 დასრულდა კენ ვოლკერის საერთაშორისო უნივერსიტეტის სტუდენტების სასარგებლოდ, თუმცა ამ დღის მთავარი ღირებულება სტუდენტების ერთობა, პოზიტიური ემოციები და ერთად გატარებული სასიამოვნო დრო იყო.