კენ ვოლკერის საერთაშორისო უნივერსიტეტში სამუშაო ვიზიტით იმყოფება ემორის უნივერსიტეტის მედიცინის სკოლის გადაუდებელი მედიცინის ექიმი და სამედიცინო ტოქსიკოლოგიის ფელოუ თორი ერჰარდტი.
თორი ერჰარდტმა სამედიცინო განათლება მიიღო FIU Herbert Wertheim College of Medicine-ში, ხოლო გადაუდებელი მედიცინის რეზიდენტურა ემორის უნივერსიტეტში დაასრულა. მისი პროფესიული ინტერესები მოიცავს სამედიცინო განათლებას, გადაუდებელ მედიცინას, ადიქციურ მედიცინასა და კლინიკურ სწავლების მეთოდებს.
ვიზიტის ფარგლებში ექიმი ერჰარდტი ჩაერთვება სხვადასხვა აკადემიურ და საგანმანათლებლო აქტივობაში, მათ შორის სიმულაციურ სწავლებაში, ნარატიული მედიცინის სესიებში, კლინიკურ დაკვირვებასა და სტუდენტებთან სამუშაო შეხვედრებში.
თორი ერჰარდტის ვიზიტი სტუდენტებსა და აკადემიურ პერსონალს შესაძლებლობას აძლევს, უშუალოდ გაეცნონ ამერიკული სამედიცინო განათლებისა და კლინიკური პრაქტიკის თანამედროვე მიდგომებს, მიიღონ პრაქტიკული გამოცდილება და ჩაერთონ საერთაშორისო პროფესიულ დიალოგში.
კენ ვოლკერის საერთაშორისო უნივერსიტეტი მიესალმება თორი ერჰარდტის ვიზიტს და მადლობას უხდის მას ცოდნისა და გამოცდილების გაზიარებისთვის, რომელიც მნიშვნელოვან წვლილს შეიტანს უნივერსიტეტის საგანმანათლებლო გარემოს განვითარებაში.