კენ ვოლკერის საერთაშორისო უნივერსიტეტში ემორის უნივერსიტეტის მედიცინის სკოლის ემერიტუსმა პროფესორმა გორდონ ჩერჩვორდმა მედიცინის ფაკულტეტის პირველი და მეორე კურსის სტუდენტებთან შეხვედრა გამართა, რომელიც USMLE Step 1-ისთვის ეფექტურ მომზადებას დაეთმო.
შეხვედრის ფარგლებში პროფესორმა სტუდენტებს გაუზიარა პრაქტიკული რეკომენდაციები სწავლის ეფექტურად დაგეგმვის, დროის მართვის და ეფექტური სწავლის მეთოდების მნიშვნელობის შესახებ.
განსაკუთრებული ყურადღება დაეთმო იმ ყოველდღიური ჩვევების ჩამოყალიბებას, რომლებიც სტუდენტებს დაეხმარება როგორც აკადემიური წარმატების მიღწევაში, ისე USMLE Step 1-ისთვის მომზადების პროცესში.
შეხვედრა ინტერაქტიულ ფორმატში წარიმართა. სტუდენტებს შესაძლებლობა ჰქონდათ დაესვათ შეკითხვები და მიეღოთ პრაქტიკული რჩევები პროფესორ გორდონ ჩერჩვორდის მრავალწლიანი საერთაშორისო გამოცდილებიდან.