კენ ვოლკერის საერთაშორისო უნივერსიტეტის სიმულაციური ცენტრის მენეჯერი სოფო ჯაველიძე მონაწილეობდა ევროპის სამედიცინო სიმულაციის საზოგადოების (SESAM – Society for Simulation in Europe) ყოველწლიურ საერთაშორისო კონფერენციაში, რომელიც საფრანგეთის ქალაქ ლიონში გაიმართა.
კონფერენციამ მსოფლიოს სხვადასხვა ქვეყნის სამედიცინო განათლებისა და სიმულაციის სფეროს ექსპერტებს მოუყარა თავი. ღონისძიების ფარგლებში განხილული იყო სამედიცინო სიმულაციის თანამედროვე მიდგომები, ინოვაციური საგანმანათლებლო ტექნოლოგიები, პაციენტის უსაფრთხოების გაუმჯობესების სტრატეგიები და გამოცდილებაზე დაფუძნებული სწავლების საუკეთესო პრაქტიკა.
სოფიო ჯაველიძემ მონაწილეობა მიიღო კონფერენციის საგანმანათლებლო სესიებში, პრაქტიკულ ვორქშოფებსა და პროფესიულ დისკუსიებში, რაც მნიშვნელოვანი შესაძლებლობა იყო საერთაშორისო გამოცდილების გაზიარებისა და ახალი ცოდნის მიღებისთვის.
მსგავს საერთაშორისო ღონისძიებებში მონაწილეობა ხელს უწყობს სიმულაციური განათლების განვითარებას, თანამედროვე სტანდარტების დანერგვასა და უნივერსიტეტის საერთაშორისო თანამშრომლობის კიდევ უფრო გაძლიერებას.