18 ივნისს კენ ვოლკერის საერთაშორისო უნივერსიტეტს სტუმრობდა საერთაშორისო Deep Tech ეკოსისტემის ერთ-ერთი წამყვანი ორგანიზაციის DARE Innovation-ის დამფუძნებელი და აღმასრულებელი დირექტორი, დორა მაროსვოლგი (Dóra Marosvölgyi).
შეხვედრას უნივერსიტეტის მხრიდან ესწრებოდნენ ნინო შიუკაშვილი, ნინო ცინცაძე და სალომე ქეშელაშვილი. მხარეებმა განიხილეს საერთაშორისო პარტნიორობის გაღრმავების, ინოვაციური პროექტების განვითარების, სამეწარმეო ეკოსისტემის გაძლიერებისა და მედიცინისა და თანამედროვე ტექნოლოგიების ინტეგრაციის შესაძლებლობები.
შეხვედრის ფარგლებში დაიგეგმა თანამშრომლობის პირველი მიმართულებები, რომლებიც მიზნად ისახავს ერთობლივი საერთაშორისო პროექტების განხორციელებას, ინოვაციური საგანმანათლებლო ინიციატივების განვითარებასა და უნივერსიტეტის კვლევითი და ტექნოლოგიური პოტენციალის კიდევ უფრო გაძლიერებას.
კენ ვოლკერის საერთაშორისო უნივერსიტეტისა და DARE Innovation-ის თანამშრომლობა მნიშვნელოვანი ნაბიჯია საერთაშორისო პარტნიორობის გაფართოებისა და მედიცინისა და ინოვაციების სფეროში ახალი შესაძლებლობების შექმნის მიმართულებით.