კენ ვოლკერის საერთაშორისო უნივერსიტეტში Walter E. Dandy Neurological Club Georgia-ს ახალი საუნივერსიტეტო წარმომადგენლობა შეიქმნება. ორგანიზაცია ერთ-ერთი უმსხვილესი ახალგაზრდული სამედიცინო გაერთიანებაა საქართველოში, რომელიც ადგილობრივ და საერთაშორისო მედიცინის სტუდენტებს აერთიანებს და საქმიანობს Walter E. Dandy Neurological Society USA-ს აკადემიური მხარდაჭერით.
KWIU-ში ორგანიზაციის საქმიანობის კოორდინირებისთვის გამოცხადდა განაცხადების მიღება სენატორის პოზიციაზე. კანდიდატებს მოეთხოვებათ ლიდერული უნარები, აკადემიური მოტივაცია და ნეირომეცნიერების, ინოვაციების, კლინიკური კვლევებისა და პროფესიული განვითარების მიმართ მაღალი ინტერესი.
შერჩეული სტუდენტი უხელმძღვანელებს უნივერსიტეტის წარმომადგენლობას, ჩამოაყალიბებს ადგილობრივ აღმასრულებელ გუნდს, დაგეგმავს საგანმანათლებლო ღონისძიებებს და ითანამშრომლებს ორგანიზაციის ცენტრალურ გუნდსა და საქართველოს სხვა უნივერსიტეტების წარმომადგენლობებთან.
განაცხადის წარსადგენად აუცილებელია CV-ისა და სამოტივაციო წერილის გაგზავნა ელფოსტაზე wedns.georgia@gmail.com. განაცხადების მიღების ბოლო ვადაა 3 ივლისი.
ორგანიზაცია ასევე იწვევს KWIU-ის სტუდენტებს, გახდნენ Walter E. Dandy Neurological Club Georgia-ს წევრები და ჩაერთონ ნეირომეცნიერების მიმართულებით დაგეგმილ ლექციებში, ვორქშოფებში, კონფერენციებსა და სხვა პროფესიული განვითარების აქტივობებში.
დამატებითი ინფორმაცია ორგანიზაციის საქმიანობის შესახებ ხელმისაწვდომია Instagram გვერდზე @dandy.georgia