19 მაისს კენ ვოლკერის საერთაშორისო უნივერსიტეტში იმუნიზაციის კვირეული დაიწყო საინტერესო აქტივობებით, რომლებიც სტუდენტების ჩართულობასა და დისკუსიას უწყობს ხელს. დღე დაიწყო სესიით „მითი თუ რეალობა?“, სადაც კვსუ-ის მოწვეულმა ლექტორმა, ნანა კვინიკაძემ და სტუდენტებმა - აჰმედ იასსირის და ხალიდ მოჰამმედ ელსიდიგ ალიმ თავიანთი პრეზენტაციები წარმოადგინეს.
შემდეგ გაიმართა დებატების ფორუმი, სადაც ჩვენი უნივერსიტეტის დებატების კლუბმა იმსჯელა მნიშვნელოვან თემაზე: „არის თუ არა ბავშვთა ვაქცინაციის გრაფიკი ძალიან გადატვირთული და პოტენციურად საზიანო?“ დისკუსიამ გამოიწვია განსხვავებული მოსაზრებები და გაააქტიურა სტუდენტების ჩართულობა.
პრეზენტაციასა და დებატებს გაზეთის კლუბის წარმომადგენლებიც ესწრებოდნენ, რათა მოამზადონ სტატია, სადაც აღწერენ ღონისძიების აქცენტებს და სტუდენტების შეხედულებებს. იმუნიზაციის კვირეული გრძელდება და წინ კიდევ ბევრი საინტერესო ღონისძიებაა დაგეგმილი!