კენ ვოლკერის საერთაშორისო უნივერსიტეტში გაიმართა ტრენინგი ადმინისტრაციული პერსონალისთვის თემაზე „პერსონალურ მონაცემთა დაცვის სფეროში ინციდენტის მართვა“.
ტრენინგი ჩაატარა უნივერსიტეტის პერსონალურ მონაცემთა დაცვის ოფიცერმა ჯაბა ზერეკიძემ.
სესიაზე განხილული იყო ისეთი მნიშვნელოვანი საკითხები, როგორებიცაა პერსონალურ მონაცემთა დაცვის ინციდენტების ტიპები, მათი მართვის მექანიზმები და პრევენციული ღონისძიებები, რომლებიც ხელს უწყობს მონაცემთა უსაფრთხოებისა და კონფიდენციალურობის დაცვას.
ტრენინგის მიზანი იყო უნივერსიტეტის თანამშრომლების ინფორმირებულობის ამაღლება პერსონალურ მონაცემთა დაცვის სტანდარტებისა და შესაბამისი პროცედურების შესახებ.