ორიანტაციის კვირეულის ფარგლებში, პირველკურსელმა სტუდენტებმა მოისმინეს შთამაგონებელი ლექცია თემაზე -„ექიმის მოწოდება". შეხვედრა წარადგინა პრაქტიკოსმა ექიმმა, ანესთეზიოლოგ-რეანიმატოლოგმა ლექსო ვაჩაძემ.
ლექციის განმავლობაში ლექსო ვაჩაძემ სტუდენტებს გაუზიარა მრავალფეროვანი და საინტერესო კლინიკური შემთხვევები საკუთარი პროფესიული გამოცდილებიდან.
მან განსაკუთრებული ყურადღება გაამახვილა ემპათიის, პასუხისმგებლობისა და ჰუმანურობის მნიშვნელობაზე ექიმის საქმიანობაში. მისი რეალური ისტორიები სტუდენტებს დაეხმარა უკეთ გაეაზრებინათ, რომ პაციენტზე ზრუნვა მხოლოდ სამედიცინო პროცედურები და დიაგნოზის დასმა არ არის.
შეხვედრამ შთააგონა მომავალი ექიმები, დაფიქრდნენ საკუთარ პროფესიულ გზაზე და იმ ღრმა მნიშვნელობაზე, რომელიც თანაგრძნობას და ჰუმანურ მიდგომას აქვს მედიცინაში.