საორიენტაციო კვირეულის ფარგლებში პირველსემესტრელი სტუდენტები გაეცნენ მედიცინის ფაკულტეტის უნიკალურ და გამორჩეულ აკადემიურ კურსს - „პაციენტი, ექიმი და საზოგადოება“. სტუდენტები შეხვდნენ აკადემიურ პერსონალს და მიიღეს ინფორმაცია კურსის შინაარსის, სტრუქტურისა და სასწავლო პროცესების შესახებ, რაც მათ შესაძლებლობას აძლევს გააცნობიერონ კურსის მიზნები და მოსალოდნელი შედეგები.
კვსუ-ში PPS-კურსი სრულად ფარავს ექიმისთვის აუცილებელ პრაქტიკულ და კლინიკურ კომპეტენციებს და ისწავლება პროგრამის ყველა კურსზე, რაც უზრუნველყოფს სტუდენტებისათვის მნიშვნელოვანი კლინიკური უნარების განვითარებას და პროფესიულ მომზადებას სამედიცინო განათლების პროცესში.
გაცნობითი შეხვედრის შემდეგ გაიმართა სიმულაციური ტრენინგი, სადაც კენ ვოლკერის საერთაშორისო უნივერსიტეტის ინსტრუქტორებმა სტუდენტებს აჩვენეს, როგორ უნდა იმოქმედონ უბედური შემთხვევის დროს და როგორ უნდა დაასტაბილურონ მოქალაქე შემთხვევის ადგილზე სასწრაფო დახმარების მისვლამდე.
ტრენინგის დროს სტუდენტებმა შეიძინეს პრაქტიკული უნარები გულ-ფილტვის რეანიმაციის ჩატარებაში სიმულაციური მანეკენების გამოყენებით.