წლევანდელი საორიენტაციო კვირა ჩვენი უნივერსიტეტის ეზოში დასრულდა და ერთ სივრცეში გააერთიანა კვსუ-ის უფროსი სტუდენტები და პირველკურსელები იმისათვის, რომ ერთად დაეწყოთ ახალი სასწავლო წლის დაუვიწყარი თავგადასავალი!
მზიანი დღე სავსე იყო სიცილით, დადებითი ენერგიით და ახალი მეგობრობის სურვილით: სტუდენტები თამაშობდნენ ბადმინტონსა და პადელს, ხატავდნენ, იღებდნენ ფოტოებს, ერთად მიირთვეს გემრიელი ლანჩი და ბევრი ისაუბრეს მომავალზე.
დღის კიდევ ერთი განსაკუთრებული ნაწილი იყო „დროის ქილის“ შექმნა, როცა პირველკურსელებმა თავიანთი ოცნებები, მიზნები და მოლოდინები ფერად ფურცლებზე დაწერეს და ქილაში ჩაყარეს. „დროის ქილა" სიმბოლურად დაიმარხა უნივერსიტეტის ეზოში 2031 წლის კურსის გამოსაშვებ ცერემონიამდე. 6 წლის შემდეგ იგივე სტუდენტები გაიხსენებენ, საიდან დაიწყეს, რა მოლოდინები ჰქონდათ და რამდენს მიაღწიეს.
ვულოცავთ 2031 წლის გამოსაშვებ კლასს ცხოვრების ახალ საწყისს და ვუსურვებთ დაუვიწყარ სტუდენტურ წლებთან ერთად ბრწყინვალე მომავალს!