კენ ვოლკერის საერთაშორისო უნივერსიტეტში გაიმართა სამუშაო შეხვედრა და ტრენინგი სასწავლო კურსის - „პაციენტი, ექიმი და საზოგადოება“ ლექტორებისთვის, რომელსაც კილის უნივერსიტეტის წარმომადგენლები უძღვებოდნენ.
პროფესორი პოლ ჰოროქსისა და ექიმი სარა აინსლის მიერ ჩატარებული ტრენინგის მთავარი მიზანი იყო პრობლემაზე დაფუძნებული სწავლების მეთოდის ინტეგრირებული და პრაქტიკული მაგალითების (სცენარების/PBL-ქეისების) დახვეწა და სრულყოფა.
შეხვედრის ფარგლებში მონაწილეებმა იმუშავეს არსებული სასწავლო მასალის შინაარსის, მიზნებისა და შედეგების გადახედვაზე. ბრიტანელმა პროფესორებმა განიხილეს კვსუ-ის ლექტორების მიერ მანამდე შემუშავებული PBL-ქეისები და ქართველ კოლეგებს გაუზიარეს უკუკავშირი. შეხვედრის ბოლოს მონაწილეებმა კურსის განვითარებისათვის საჭირო სამომავლო ნაბიჯებზეც იმსჯელეს.
ბრიტანელი პროფესორების მიერ ჩატარებულმა ტრენინგმა კიდევ ერთხელ გაუსვა ხაზი კენ ვოლკერის საერთაშორისო უნივერსიტეტისა და კილის უნივერსიტეტის წარმატებულ თანამშრომლობას, რომლის მიზანიც არის თანამედროვე, სტუდენტზე ორიენტირებული სამედიცინო განათლების ხელშეწყობა.