კენ ვოლკერის საერთაშორისო უნივერსიტეტის სტუდენტებმა, რომლებმაც ბოლო ორი წლის განმავლობაში მიიღეს მონაწილეობა გაცვლით პროგრამაში - „ზაფხული ემორიში“, თავიანთი გამოცდილება გაუზიარეს თანატოლებს.
პროგრამის სტუდენტურ პრეზენტაციას ესწრებოდნენ ემორის უნივერსიტეტის პროფესორები გორდონ ჩერჩვორდი და მერი ჯო ლეკოვიჩი.
გაცვლითი პროგრამის მონაწილეები შეირჩნენ კონკურსის წესით, აკადემიური მოსწრების საფუძველზე. 2024-2025 სასწავლო წელს საუკეთესო 8 სტუდენტს მიეცა შესაძლებლობა წარედგინა კენ ვოლკერის საერთაშორისო უნივერსიტეტი ემორის უნივერსიტეტის მედიცინის სკოლაში.
სტუდენტები გაემგზავრნენ ატლანტაში, ჯორჯიის შტატში (აშშ), სადაც გაეცნენ ემორის უნივერსიტეტის აკადემიურ და კულტურულ გარემოს. ისინი ესწრებოდნენ ლექციებსა და სემინარებს, რომლებსაც ხელმძღვანელობდნენ გამორჩეული პროფესორები, ექიმები, რეზიდენტები და მკვლევარები.
კვსუ-ის სტუდენტებს ჰქონდათ შესაძლებლობა, დაკვირვებოდნენ კლინიკურ პრაქტიკას გრეიდის მემორიალურ ჰოსპიტალსა და ემორის უნივერსიტეტის საავადმყოფოებში, უშუალოდ გაეცნონ აშშ-ის სამედიცინო განათლების სისტემას და ჯანდაცვის პრაქტიკებს, დაემყარონ პროფესიული კავშირები ამერიკელ ექიმებთან, რეზიდენტებთან და მკვლევრებთან, და გაეცნონ ამერიკულ კულტურას პოპულარული ადგილების მონახულებით.
პროგრამა განხორციელდა კენ ვოლკერის საერთაშორისო უნივერსიტეტსა და ემორის უნივერსიტეტის მედიცინის სკოლას შორის გაფორმებული თანამშრომლობის მემორანდუმის ფარგლებში.
გაცვლითი პროგრამა - „ზაფხული ემორიში“ ტარდება ყოველწლიურად და კვსუ-ის სტუდენტებს აძლევს შესაძლებლობას გააფართოვონ თავიანთი აკადემიური გამოცდილება, უშუალოდ დააკვირდნენ დასავლურ სამედიცინო პრაქტიკას და გაეცნონ სწავლების საერთაშორისო გარემოს აშშ-ში.