კენ ვოლკერის საერთაშორისო უნივერსიტეტმა უმასპინძლა ემორის უნივერსიტეტის მედიცინის სკოლის მიკრობიოლოგიისა და იმუნოლოგიის პროფესორს, გორდონ ჩერჩვორდს, რომელიც ასევე კვსუ-ის აკადემიური საბჭოს თავმჯდომარეა.
პროფესორმა ჩერჩვორდმა შეხვედრა გამართა პირველკურსელებთან და ისაუბრა, რას ნიშნავს იყო მედიცინის სტუდენტი და როგორ იწყება პროფესიული გზა სამედიცინო სამყაროში.
ინტერაქციული სესიის დროს სტუდენტებმა განიხილეს სამედიცინო სფეროს მიმართულებები, ექიმის როლი და პასუხისმგებლობები. ამერიკელმა პროფესორმა ხაზგასმით აღნიშნა ეთიკური პრაქტიკისა და უწყვეტი სწავლის მნიშვნელობა, რაც სტუდენტებს პროფესიული განვითარების გზაზე დაეხმარება. მისი თქმით, გზა სამედიცინო განათლების პირველი ეტაპიდან კარიერულ წარმატებამდე არა მხოლოდ აკადემიურ მიღწევებზეა დამოკიდებული, არამედ პიროვნულ განვითარებაზე.
შეხვედრამ სტუდენტებს მისცა წარმოდგენა სამედიცინო პროფესიის მნიშვნელობის, გამოწვევებისა და დადებითი მხარეების შესახებ, ასევე მიმართულება, როგორ უნდა განივითარონ სტრესული სიტუაციების მართვის უნარები, ემპათია და კრიტიკული აზროვნება კარიერის დასაწყისშივე.
კვსუ-ის ამერიკელი პარტნიორებისგან მსგავსი ტიპის შეხვედრები რეგულარულად იგეგმება, რათა სტუდენტებს კიდევ უფრო აქტიურად დავუჭიროთ მხარი საერთაშორისო სტანდარტების შესაბამისი სამედიცინო განათლებისა და პროფესიული განვითარების გზაზე.