ემორის უნივერსიტეტის მედიცინის სკოლასთან არსებული თანამშრომლობის ფარგლებში, პროფესორებმა - გორდონ ჩერჩვორდმა და მერი ჯო ლეკოვიჩმა შეხვედრა გამართეს მესამე კურსის მედიცინის ფაკულტეტის სტუდენტებთან, რათა განეხილათ ეფექტური სტრატეგიები ამერიკაში სამედიცინო ლიცენზიის მიღების გზაზე პირველი და ერთ-ერთი ყველაზე მნიშვნელოვანი გამოცდის, USMLE Step 1-ისთვის მომზადების პროცესში.
ინტერაქციული სესიის დროს სტუდენტებმა განიხილეს გამოცდის პირველი საფეხურის მზადების ძირითადი ასპექტები, მათ შორის სასწავლო გეგმის შედგენა, რესურსების შერჩევა, საბაზისო სამედიცინო მეცნიერებების ინტეგრაცია კლინიკურ აზროვნებაში, მოტივაციის შენარჩუნება, გადაღლის თავიდან აცილება და სხვა.
შეხვედრაში, აგრეთვე, მონაწილეობდნენ კვსუ-ის მოწვეული ლექტორები, მარიამ როჩიკაშვილი და ლუკა კუჭავა, რომლებმაც სტუდენტებს გაუზიარეს პრაქტიკული რჩევები, საკუთარი წარმატების ისტორია და გამოცდილება USMLE-ის მომზადების პროცესიდან.
შეხვედრამ სტუდენტებს ღირებულ რჩევებთან ერთად შესძინა მოტივაცია, რაც კიდევ ერთხელ ადასტურებს, რომ კენ ვოლკერის საერთაშორისო უნივერსიტეტი აქტიურად უჭერს მხარს სტუდენტებს საერთაშორისო სტანდარტების შესაბამისი სამედიცინო განათლების მიღებაში და პროფესიული განვითარებისთვის აუცილებელი უნარების გამომუშავებაში.