კენ ვოლკერის საერთაშორისო უნივერსიტეტში გაიმართა ფაკულტეტის და აკადემიური საბჭოს გაერთიანებული შეხვედრა, რომლის მიზანი იყო უნივერსიტეტის განვითარების მიმდინარე საკითხების განხილვა და სტუდენტური გამოცდილების გაუმჯობესებისათვის ერთობლივი ხედვის ჩამოყალიბება.
სესიის დასაწყისში ადმინისტრაციის წარმომადგენლებმა მონაწილეებს გააცნეს ინფორმაცია უნივერსიტეტის საგამოცდო და სიმულაციურ ცენტრებში განხორციელებული განახლებებისა და დაგეგმილი ინიციატივების შესახებ.
შეხვედრაზე კვსუ-ის ფაკულტეტის საბჭოში სტუდენტების მიერ არჩეულმა წევრებმა მოაზან რანამ და გნანა საი მაჰეშვარ რედიმ სტუდენტთა გამოკითხვის შედეგად მიღებული ძირითადი მოსაზრებები გააჟღერეს. მათვე გააზიარეს თავიანთი ხედვა სტუდენტური ცხოვრების სხვადასხვა ასპექტზე. განსაკუთრებული ყურადღება გამახვილდა სტუდენტებსა და ადმინისტრაციას შორის კომუნიკაციის გაძლიერებაზე და საერთო საუნივერსიტეტო კულტურის განვითარებისთვის სტუდენტური ჩართულობის კიდევ უფრო გაფართოებაზე.
გარდა ამისა, გაერთიანებული საბჭოს წარმომადგენლებმა განიხილეს სტუდენტების მიერ მიწოდებული უკუკავშირი ისეთ მნიშვნელოვან ინიციატივაზე, როგორიცაა ფაკულტეტის წევრებთან ყოველთვიური შეხვედრების დაგეგმვა, რაც ხელს შეუწყობს ღია დიალოგს და სტუდენტთა აქტიურ მონაწილეობას გადაწყვეტილების მიღების პროცესში.
შეხვედრას ესწრებოდა გორდონ ჩერჩვორდი, ემორის უნივერსიტეტის პროფესორი და კენ ვოლკერის საერთაშორისო უნივერსიტეტის აკადემიური საბჭოს თავმჯდომარე, რომელმაც ხაზი გაუსვა სტუდენტებსა და აკადემიურ პერსონალს შორის მჭიდრო თანამშრომლობის მნიშვნელობას, რაც უნივერსიტეტის განვითარებისა და პროგრესის წინაპირობაა.
აღნიშნული შეხვედრა ასახავს ჩვენი უნივერსიტეტის მიდგომას სტუდენტური გამოცდილების გაუმჯობესებისა და თითოეული სტუდენტის მოსაზრების მხარდაჭერისკენ.