კენ ვოლკერის საერთაშორისო უნივერსიტეტში გაიმართა სამუშაო შეხვედრა ემორის უნივერსიტეტის მედიცინის სკოლის ჰემატოლოგიისა და სამედიცინო ონკოლოგიის დეპარტამენტის განათლების მიმართულების ვიცე-თავმჯდომარესთან, პროფესორ მერი ჯო ლეკოვიჩთან.
შეხვედრის მთავარი თემა იყო სწავლების თანამედროვე მიდგომა - ნარატიული სწავლება (Narrative Medicine/Narrative Learning), რომელიც მედიცინის განათლებაში განსაკუთრებულ მნიშვნელობას ანიჭებს პაციენტის გამოცდილებას, რეფლექსიასა და ამბავზე დაფუძნებულ სწავლებას.
დისკუსიის ფარგლებში კვსუ-ის აკადემიურმა პერსონალმა იმსჯელა აღნიშნული მეთოდის სასწავლო პროცესში ინტეგრაციის შესაძლებლობებზე, რაც ხელს შეუწყობს სტუდენტებში კრიტიკული აზროვნების, ემპათიისა და პროფესიული კომუნიკაციის უნარების განვითარებას.
შეხვედრა გაიმართა კენ ვოლკერის საერთაშორისო უნივერსიტეტსა და ემორის უნივერსიტეტის მედიცინის სკოლას შორის არსებული მრავალწლიანი თანამშრომლობის ფარგლებში და მიზნად ისახავდა თანამედროვე საგანმანათლებლო პრაქტიკებისა და გამოცდილების გაზიარებას.