კენ ვოლკერის საერთაშორისო უნივერსიტეტმა უმასპინძლა ბატონ დარპან (დარისპან) პრაშერს – კულტურის ელჩს და კულტურათაშორისი ურთიერთობების გამორჩეულ მხარდამჭერს ინდოეთიდან.
იგი არის არასამთავრობო ორგანიზაცია „კულტურული მრავალფეროვნება მშვიდობიანი მომავლისთვის“ თავმჯდომარე, დაჯილდოებული ინდოეთის უმაღლესი სამოქალაქო ჯილდოთი უცხოეთში მცხოვრები ინდოელებისთვის – Pravasi Bharatiya Samman Award-ით. ასევე, აღიარებულია როგორც ქართული თეატრის ელჩი ინდოეთში მისი პოპულარიზაციისთვის.
ბატონმა პრაშერმა ისაუბრა ქართული კულტურის სიმდიდრეზე, ქართულ და ინდურ ტრადიციებს შორის მსგავსებებსა და საერთო ღირებულებებზე. მან სტუდენტებს გაუზიარა პრაქტიკული რჩევები ადაპტაციისა და საქართველოში ცხოვრების შესახებ, აგრეთვე თავისი პირადი გამოცდილებაც - როგორ იქმნება კულტურებს შორის ხიდები და მტკიცდება მეგობრული კავშირები. მისი ვიზიტი ნათელი მაგალითი იყო იმისა, თუ როგორ უწყობს ხელს განათლება გლობალური მოქალაქეობის, ურთიერთპატივისცემისა და კულტურათა თანამშრომლობის განვითარებას.