2025 წლის 25-28 მაისს, ბანგკოკში, ტაილანდში გაიმართა მსოფლიო სამედიცინო განათლების ფედერაციის (WFME) კონფერენცია. სამედიცინო განათლების აკრედიტაციის ინსტიტუტთან (IMEAc) პარტნიორობით გამართულ ღონისძიებაში მონაწილეობა მიიღო კენ ვოლკერის საერთაშორისო უნივერსიტეტის დელეგაციამ:
პროფესორმა ნინო თევზაძემ - უნივერსიტეტის მედიცინისა და სტომატოლოგიის ფაკულტეტის დეკანმა და ასოცირებულმა პროფესორმა ნინო შიუკაშვილმა, რომელიც ხარისხის უზრუნველყოფის სამსახურს ხელმძღვანელობს. კონფერენციის მთავარი თემა – „ჯანმრთელობა ყველასთვის - ხარისხიანი სამედიცინო განათლების გზით“ – ხაზს უსვამდა სამედიცინო განათლების მნიშვნელობას გლობალური ჯანდაცვის სისტემების გაძლიერებაში.
განხილული თემები მოიცავდა: სამედიცინო ეთიკისა და ბიოეთიკის გამოწვევებს; სოციალური პროექტების ინტეგრაციას სასწავლო პროცესში; ხელოვნური ინტელექტის როლს სამედიცინო განათლებაში; ინოვაციურ სასწავლო მიდგომებს. კენ ვოლკერის საერთაშორისო უნივერსიტეტის წარმომადგენლების მონაწილეობა კიდევ ერთხელ ადასტურებს უნივერსიტეტის ერთგულებას ხარისხიანი სამედიცინო განათლებისა და გლობალურ აკადემიურ სივრცეში ინტეგრაციის მიმართ.
დელეგატებმა აქტიურად მიიღეს მონაწილეობა დისკუსიებში, დაამყარეს ახალი საერთაშორისო კავშირები და გააცნეს საქართველოს სამედიცინო განათლების პერსპექტივები ფართო აუდიტორიას.