14 ივნისს, კენ ვოლკერის საერთაშორისო უნივერსიტეტში სისხლის დონორთა საერთაშორისო დღე აღინიშნა ჰემატოლოგიის ინსტიტუტის სისხლის ბანკთან პარტნიორობით.
ღონისძიება ჩატარდა 2025 წლის გლობალური თემის ფარგლებში: „გააზიარე სისხლი, გააზიარე იმედი: ერთად გადავარჩინოთ სიცოცხლე“ – გზავნილი, რომელიც სრულად ასახავს ამ დღისა და მთელი კვირეულის მთავარ იდეას.
კვსუ-ის სტუდენტები ჩაერთვნენ სისხლის დონაციაში, რაც მათი მხრიდან სოლიდარობისა და სოციალური პასუხისმგებლობის შთამბეჭდავი მაგალითი იყო. მათი უანგარო მხარდაჭერა დაეხმარება იმ პაციენტებს, რომელთაც გადაუდებლად ესაჭიროებათ სისხლი.
პარალელურად გაიმართა თემატური ლექცია - „რამდენიმე წუთი სიცოცხლის გადასარჩენად: სისხლის დონაციის მნიშვნელობა“, რომელსაც გაუძღვა ჰემატოლოგი-ტრანსფუზიოლოგი, კვსუ-ის მოწვეული ლექტორი ანანო ქევანიშვილი. ლექციაზე განხილული იყო სისხლის დონაციის როგორც სამედიცინო, ასევე ადამიანური მნიშვნელობა, - თუ როგორ შეუძლია თითოეულ დონორს საკუთარი წვლილი შეიტანოს სიცოცხლის გადარჩენაში.
გულწრფელი მადლობა ყველა მხარდამჭერ თუ დონორ სტუდენტს - თქვენი სიკეთე სიცოცხლეს იხსნის!