კენ ვოლკერის საერთაშორისო უნივერსიტეტში გაიმართა აკადემიური საბჭოს მორიგი შეხვედრა, რომელსაც ესწრებოდნენ უნივერსიტეტის პარტნიორები, ემორის უნივერსიტეტის წარმომადგენლები ამერიკის შეერთებული შტატებიდან: აკადემიური საბჭოს თავმჯდომარე, მედიცინის სკოლის ასისტენტ-დეკანი, პროფესორი გორდონ ჩერჩვორდი და ჰემატოლოგიისა და სამედიცინო ონკოლოგიის დეპარტამენტის პროფესორი მერი ჯო ლეკოვიჩი.
სხდომაზე უნივერსიტეტის აკადემიურმა გუნდმა წარადგინა 2024-2025 სასწავლო წლის შემაჯამებელი ანგარიში. ხარისხის უზრუნველყოფის სამსახურის უფროსმა, ასოცირებულმა პროფესორმა ნინო შიუკაშვილმა, სამსახურის სპეციალისტმა მარიამ როჩიკაშვილმა და მედიცინისა და სტომატოლოგიის ფაკულტეტის დეკანმა, პროფესორმა ნინო თევზაძემ განიხილეს უნივერსიტეტის პროგრესი ხარისხის უზრუნველყოფის სამსახურის მიერ შემუშავებული ინდიკატორების საფუძველზე.
გარდა ამისა, სხდომაზე სპიკერებმა წარმოადგინეს მიმდინარე სასწავლო წელს საგანმანათლებლო პროგრამაში დანერგილი ინოვაციური სწავლების მეთოდები და განიხილეს სამომავლო პროექტები, რომლებიც მიზნად ისახავს სასწავლო პროცესის მაქსიმალურად გაუმჯობესებასა და საერთაშორისო სტანდარტებთან კიდევ უფრო დაახლოებას.