კენ ვოლკერის საერთაშორისო უნივერსიტეტს ვიზიტით ესტუმრნენ ემორის უნივერსიტეტის მედიცინის სკოლის წარმომადგენლები, მიკრობიოლოგიისა და იმუნიოლოგიის პროფესორი, გორდონ ჩერჩვარდი და ჰემატოლოგიისა და სამედიცინო ონკოლოგიის პროფესორი, ექიმი მერი ჯო ლეკოვიჩი.
სტუმრებმა სტუდენტებთან გამართეს ინტერაქტიული შეხვედრა და წარადგინეს შთამბეჭდავი ლექცია თემაზე: „ექიმის როლი საზოგადოებაში: მკურნალი, ადვოკატი, ლიდერი.“ მათი გამოსვლა შეეხო თანამედროვე ექიმის მრავალფეროვან როლს: კლინიკური კომპეტენციის მიღმა, მათ განსაკუთრებული ყურადღება გაამახვილეს სოციალურ პასუხისმგებლობასა და ლიდერულ უნარებზე, როგორც აუცილებელ ფაქტორებზე, ჯანდაცვის სისტემის მდგრადი განვითარების პროცესში.
ლექციის მეორე ნაწილი დაეთმო პრაქტიკულ რჩევებს - პროფესორებმა სტუდენტებს გაუზიარეს ინფორმაცია იმ ძირეულ კომპონენტებზე, რომლებიც მნიშვნელოვანია აშშ-ის რეზიდენტურაში წარმატებით მოხვედრის გზაზე: სამეცნიერო კვლევებში ჩართულობა, აკადემიური წინსვლა, კლინიკური გამოცდილება, პროფესიული მოტივაცია, ლიდერული უნარების განვითარება და სხვა.
აღნიშნული შეხვედრა კიდევ ერთხელ წარმოაჩენს კენ ვოლკერის საერთაშორისო უნივერსიტეტის ღია და გლობალურ საგანმანათლებლო გარემოს, რომელიც სტუდენტებს სთავაზობს არა მხოლოდ ხარისხიან აკადემიურ სწავლას, არამედ კავშირებს წამყვან საერთაშორისო უნივერსიტეტებთან და რეალურ ინსპირაციას სამედიცინო კარიერის ასაშენებლად.