პროგრამის „ზაფხული ემორიში“ ფარგლებში კენ ვოლკერის საერთაშორისო უნივერსიტეტის სტუდენტებს ჰქონდათ შესაძლებლობა, შეხვედროდნენ ექიმ მერი ჯო ლეკოვიჩს - ემორის უნივერსიტეტის უინშიფის სიმსივნის ინსტიტუტის სერტიფიცირებულ სამედიცინო ონკოლოგს.
ექიმ ლეკოვიჩის კლინიკური და კვლევითი საქმიანობა ორიენტირებულია ჰემატოლოგიურ ავადმყოფობებზე, განსაკუთრებით კი T-უჯრედოვან არა-ჰოჯკინის ლიმფომაზე. მან სტუდენტებს გაუზიარა ინფორმაცია ამერიკის სამედიცინო სისტემის, არჩევითი პროგრამების, რეზიდენტურაში განაცხადის შეტანის პროცესისა და კარიერული შესაძლებლობების შესახებ, აგრეთვე ისაუბრა საკუთარ პროფესიულ გამოცდილებაზე და გაუზიარა მნიშვნელოვანი რჩევები მომავალ ექიმებს.
შეხვედრა პროგრამის ერთ-ერთ შთამაგონებელ ნაწილად იქცა, რადგან სტუდენტებს შესაძლებლობა ჰქონდათ, გაცნობოდნენ ონკოლოგიისა და სამედიცინო განათლების სფეროს წამყვანი სპეციალისტის გამოცდილებასა და ხედვებს.