ამერიკის შეერთებულ შტატებში დაგეგმილი გაცვლითი პროგრამის - „ზაფხული ემორიში"- ფარგლებში, კენ ვოლკერის საერთაშორისო უნივერსიტეტის მედიცინის ფაკულტეტის სტუდენტებს ჰქონდათ უნიკალური შესაძლებლობა, შეხვედროდნენ ექიმ როლანდ მეთიუსს, რომელიც ემორის უნივერსიტეტისა და მორჰაუსის გამორჩეული გინეკოლოგი და ონკოლოგია.
სტუდენტებმა, ექსკლუზიური ვიზიტის ფარგლებში, დაათვალიერეს ახლადგახსნილი ონკოლოგიური ცენტრი, Winship Cancer Institute-ი, რომელიც ემორის უნივერსიტეტის ბაზაზე, ატლანტის ცენტრში მდებარეობს.
კვსუ-ის სტუდენტებისთვის დაგეგმილ ტურს უძღვებოდა ექიმი როლანდ მეთიუსი, ემორის საგანმანათლებლო პროგრამის დირექტორთან, არჩილ უნდილაშვილთან და კვსუ-ის სტუდენტური სამსახურისა და საზოგადოებასთან ურთიერთობის დეპარტამენტის ხელმძღვანელთან, გაცვლითი პროგრამის კოორდინატორთან, ნინი ზარდიაშვილთან ერთად.
ემორის Winship Cancer Institute-ში ვიზიტის ფარგლებში, სტუდენტებს მიეცათ შესაძლებლობა, გაცნობოდნენ უახლესი ონკოლოგიური კლინიკის პრაქტიკებს და რეალურ პირობებში დაკვირვებოდნენ ონკოლოგიური დაავადებების მკურნალობის მიმდინარეობას. ამ გამოცდილებამ მნიშვნელოვნად გაამდიდრა მედიცინის ფაკულტეტის სტუდენტების ცოდნა და გააღრმავა მათი დაინტერესება ონკოლოგიის სფეროს მიმართულებით.
ვინშიპის ონკოლოგიის ინსტიტუტი, რომელიც 2023 წლის 9 მაისს გაიხსნა, წარმოადგენს ინოვაციურ დაწესებულებას, ჯორჯიის შტატის ქ. ატლანტაში. 17 სართულიანი, 450,000 კვადრატულ ფუტზე განთავსებული ცენტრი მდებარეობს ემორის საუნივერსიტეტო ჰოსპიტლის (მიდთაუნის) კამპუსში და აერთიანებს კიბოს უახლეს კვლევებზე ორიენტირებულ, მულტიდისციპლინურ მკურნალობას. პაციენტზე ორიენტირებული მიდგომით, ცენტრი უზრუნველყოფს მოვლის პერსონალიზებულ გამოცდილებას, ინოვაციური მეთოდებით მკურნალობასა და ზრუნვას. ცენტრის აშენება შესაძლებელი გახდა რობერტ ვუდრაფის ფონდის 200 მილიონი დოლარის დონაციის წყალობით და ემსახურება მიზანს ზრუნვისა და კვლევის უმაღლესი სტანდარტის მიწოდების შესახებ. დღესდღეობით Winship Cancer Institute-ი იმედის შუქურაა კიბოთი დაავადებული პაციენტებისა და მათი ოჯახებისთვის.
აშშ-ში დაგეგმილმა გაცვლითმა პროგრამამ კენ ვოლკერის საერთაშორისო უნივერსიტეტის სტუდენტებს შეაძლებლობა მისცა, ადგილზე გაცნობოდნენ ემორის უნივერსიტეტის სამედიცინო განათლებისა და ჯანდაცვის სერვისებს.
პრაქტიკული სემინარების, კლინიკური ტურებისა და სხვადასხვა სესიების საშუალებით, მედიცინის ფაკულტეტის სტუდენტებმა მიიღეს ღირებული ინფორმაცია დასავლური ჯანდაცვის სისტემის შესახებ და დაამყარეს კავშირები პროფესორებთან. ამერიკულმა გამოცდილებამ გაამდიდრა მათი აკადემიური მოგზაურობა და კარი გაუხსნა მათ სამომავლო შესაძლებლობებს სამედიცინო სფეროში.