„ზაფხული ემორიში“ მიმდინარე პროგრამის ფარგლებში, ჩვენს სტუდენტებს შესაძლებლობა ჰქონდათ შეხვედროდნენ გიორგი მაზიაშვილს, რომელიც პოსტდოქტორალური მკვლევარია ემორის უნივერსიტეტის პედიატრიის დეპარტამენტში და ატლანტის ბავშვთა ჯანმრთელობის ცენტრში. მისი კვლევის სფეროებში შედის მეტყველების აპრაქსია ბავშვებში, ნამგლისებრუჯრედოვანი ანემია, პედიატრიული ასთმა და COVID-19 ბავშვებში.
გიორგი მაზიაშვილმა, აშშ-ში წარმატებულმა ქართველმა კურსდამთავრებულმა, სტუდენტებს გაუზიარა თავისი კვლევების გამოცდილება ემორიში და ასევე დაათვალიერებინა ემორის სამეცნიერო კვლევების შენობა(HSRB-II).
რვასართულიანი, 32,500 კვადრატული მეტრის ფართობის კვლევითი კომპლექსი 1,000-ზე მეტ მკვლევარსა და 130 წამყვან მეცნიერს აერთიანებს სხვადასხვა სფეროდან: პედიატრიიდან, ბიომედიცინის ინჟინერიიდან, გულ-სისხლძარღვთა მედიცინიდან, რადიოლოგიიდან, ტვინის ჯანმრთელობის მიმართულებიდან, ვინშიპის ონკოლოგიის ინსტიტუტიდან და ემორის ვაქცინის ცენტრიდან.
კვლევების გარდა, გიორგი მაზიაშვილმა სტუდენტებს გაუზიარა საკუთარი გამოცდილება აშშ-ის სამედიცინო ლიცენზირების გამოცდების (USMLE) მზადებასა და წარმატებაზე, ასევე იმაზე, თუ როგორ მოიძია და მიმართა ემორის ფელოუშიპ პროგრამებს. მან სტუდენტებს ღირებული რესურსები გადასცა და დაჰპირდა, რომ მომავალშიც მზად იქნება რჩევისა და მხარდაჭერისთვის.
ამჟამად გიორგი მაზიაშვილი აშშ-ის რეზიდენტურის პროგრამაში იღებს მონაწილეობას. ვუსურვებთ მას უდიდეს წარმატებას კარიერის ამ ახალ საფეხურზე!